RSS
 

Hochzäit plangen: Restaurant

18 Feb

Original-Post zur Hochzäitsplanung: Intro vir nächst Blog Posts

Eng vun de wichtegste Saachen beim Plangen vun enger Hochzäit ass natierlech de Restaurant, well dat d’Plaz ass wou herno de Bam brennt. Erwaardungen déi een als duerchschnëttleche Mënsch huet sinn Saache wéi “Schéin mee net ze iwwerdriwwen well et dann och automatesch ze deier ass, et muss op enger gudder Plaz leien, grousse Parking no bäi ass nie falsch, d’Iessen muss méi besonneg sinn an awer och net ze deier, an virun allem musse se engem en anstännege Service bidden”.

Ech sinn do ganz … informatiker-like drun gaangen. Ech sinn op yellow.lu gaang an hu gesicht no “Restaurant mariage” :) . Do fléien der vill eraus well et ze wäit ass, anerer ginn engem einfach net den éischten Androck den ee sech erwaard. Bei eis ass de Choix relativ séier gefall fir eis mol “Espaces-réunions” vu Leideleng méi genee unzekucken. Ech hun de Restaurant kannt well ech eng Kéier fir eng Generalversammlung do war, awer ech war deemols net do bliwwen fir z’Iessen. Also éischte Kontakt gemaach, ganz fäin Erklärunge kritt, an relativ séier krute mer eng Datei gemailt mat allem wat sie engem kéinten offréieren. Wann een en Auto muss gelount hun kann een dat bei hinne maachen, DJ kënne se och bidden asw, also schonn relativ vill an méi wéi ee sech vun engem Restaurant géing erwaarden. Och wou mer eis dat ganzt op Plaz nach eng Kéier ukucke waren huet et eis ëmmer nach gutt gefall soudass mer eng Zäitchen drop ouni weider ze zécken zougesot hunn an den Datum do reservéiert. Wisou nach laang sichen wann een eppes huet wou een der Meenung ass dass schonn alles gutt wir :) .

Aktuell musse mer do nach eng Kéier de Menu dee mer eis eraus gesicht hu schmaache goen, déi éischt grob Saachen si schonn festgesat.

Ween sech et och emol wëll ukucken, hei ass hier Websäit: http://espaces-reunions.lu

 
No Comments

Posted in Luxembourg

 

Hochzäit plangen: Intro vir nächst Blog Posts

15 Feb

Wéi vläicht schonn e puer vun iech wëssen, bestueden meng Frëndinn an ech eis am September 2012. D.h. och mir mussen eis eegen Hochzäit elo plangen, an obwuel mer nach guer net esou laang am gaange sinn respektiv nach vill ze maachen ass op eiser Todo (wou mer iwwregens “Wunderlist” notzen :P ), hu mer scho sou muench Saachen erlieft bei eben grad dësem Plangen. Dofir hunn ech mer geduecht wir et interessant iwwert déi méi grouss a wichteg Saachen bëssen méi genee ze schreiwen. An den nächste Wochen also schreiwen ech regelméisseg Posts iwwert déi Saachen déi mer sou hu musse maachen, wéi et gaangen ass, a virun allem och iwwert de Service op de verschiddene Plazen.

Sollten heibäi Firmen / Geschäfter schlecht ewech kommen (an ech kann scho garantéieren, dass dat de Fall wärt sinn ;) ), dann ass dat leider hinnen hier eege Schold. Ech wëll just beschreiwen hei wéi et eis ergaang ass respektiv nach wärt ergoen, vir vläicht dem engem oder aneren säi Choix méi einfach ze maachen.

 
No Comments

Posted in Luxembourg

 

BOT Registréierungen vermeiden

07 Jan

Eigentlech hat ech wëlles de Registréirungs-prozess op Photogen.lu e bëssen ze verbesseren. Nodeem ee seng Daten aginn huet, krut een se nach eng Kéier ugewisen beim nächste Schratt, an réischt nom Bestätegen ass dann de User ugeluecht ginn. Ech wollt dësen Tëscheschratt an mengen Verbesserungen elo eigentlech eliminéieren well dat relativ iwwerflësseg ass. Knaps hat ech en eraus geholl, esou dass den Account dann direkt ugeluecht ginn ass, kréien ech 2 Umelldungen hannereneen eran (wat op PG relativ seelen virkënnt) an hunn du gesinn dass dat direkt BOTs waren, woubäi ech dat nach nie virdrun op Photogen hat.

Also: Dësen Tëscheschratt, mat engem einfache Link nach drann fir d’Registréirung ze bestätegen hällt BOTs extrem effektiv of. Dofir ass en och elo erëm drann :) (Well wee wëll schonn vun blöden Captcha’en genervt ginn…)

 
No Comments

Posted in Web

 

1Password by AgileBits – quick and reliable Support

09 Nov

I’m writing this in English in order to be able to distribute it on the interweb :)

A few weeks ago I bought the software 1Password on the Mac App Store on my home computer (which is running Mac OS Lion). I also wanted to use it on my computer at work, but I can not upgrade that one to Lion because of the slow graphics card. When I tried downloading 1Password on the App Store on Snow Leopard, I just got the message that I’d have to upgrade to Lion. Therefore, to use it either way, I downloaded it from the AgileBits‘ Website. After 30 days it asked me for a license, but i never got one because originally I bought it on the App Store where you don’t get explicit License Keys.

Therefore I contacted the support of 1Password today, I explained my situation and if there exists any possibility to use 1Password also on Snow Leopard without having to purchase another license. Within very short time they responded that I only had to show them my receipt to prove that I really purchased it in the Mac App Store and then they would create me a license for free. When I arrived at home, I immediately uploaded the receipt, and very soon I had my license to use 1Password also on Snow Leopard, without any extra charges.

That’s what I call a great service, and I mean that in terms of response-speed and quality of service.

 
No Comments

Posted in Web

 

Wichteg verschlësselt Daten

03 Nov

Beim Kucke vum Film “The Losers” geet et an engem Punkt am Film drëm dass d’Haaptduersteller en verschlësselten Hard Disk hunn an wëlle kucke wat do drop ass. De Clou ass, se weisen de Screen kuerz, an am HD kann een pausen an erkennen wat gewise gëtt :) Hei ass den Deel:

 

Wann een dann den Titel am Google agëtt, kënnt een hei eraus: http://www.mathcore.com/products/mathcode/download/download_form.php, an wann een den HTML Source Code kuckt, gesäit een dat hei:

 

Also hunn sie tatsächlech vun iergendenger Websäit einfach mol HTML Code 1zu1 kopéiert. Mech géing interesséieren op déi “MathCore Engineering” Firma eppes dovu weess ;)

 

 

 

 

 
No Comments

Posted in Web

 

Upgrade op Mac OS Lion

21 Jul

Gëscht nodeem Apple Mac OS Lion verëffentlecht huet, hunn ech en direkt erof gelueden an esou wuel op der Schaff den Upgrade installéiert, wéi och doheem. Doheem mam DSL huet den download +- 50 Minutte gebraucht, wat ganz an der Rei ass fir 3.5GB (10MBits Leitung). D’Installéieren war extrem einfach, quasi just “next” an “next” an reboot, install an fäerdeg war et. Ech wëll awer hei iwwer verschidden Ännerungen schreiwen respektiv Saachen déi ech direkt gemaach hunn nom Upgrade.

 

D’Baren vum Loading

Endlech (!) hun d’Loading Baren en Ufank an e Schluss :D Bis elo waren déi vir an hannen ëmmer op, net wierklech esou design-passend.

 

Scrolling erëm “richteg” gedréint

Standardméisseg ass de Scroll elo esou dass wann ee mam Mausrad erof dréint, dass d’Säit erop geet. Dëst kënnt vum iOS an allgemeng den Touch-systemer, wou ee mam Fanger jo och erof geet fir d’Säit erof ze scrollen. Mat Touchpad oder Magic Mouse ergëtt et vläicht nach Sënn menger Meenung no, mee bei engem Mausrad hunn ech léiwer déi al Method, also hun ech dat an den Astellungen vun der Maus direkt geännert dass et erëm ass wéi virdrun

 

Spaces ersat duerch “Desktops” am Mission Control

Den Spaces gëtt et esou net méi mee heescht elo Desktop an ass am Mission Control ze fannen. Mission Control ass Exposé an Spaces an engem. Op der Schaff komescherweis goufe meng Astellungen wéiee Programm op wéiengem Space war net mat iwwerholl, doheem war dat awer kee Problem. Grond weess ech bis elo keen. Wat ech net gutt fannen ass dass déi Desktops elo ëmmer an enger Rei sinn, an een net méi Reien kann selwer erstellen. Ausserdem dauert d’Transitioun mer ze laang, se ass just méi kuerz wann een iwwert CMD + Tab wiesselt oder mat CTRL + Nr vum Desktop. Wann ech eng Method fannen fir dat ze änneren, wäert ech et maachen.

 

iCal

A mengem Kalenner hat ech ëmmer méi wéi just eng Kategorie dran, virun allem op der Schaff wou ech all Exchange Kalenner och dran hunn. am neien iCal gëtt et keng Méiglechkeet permanent d’Lëscht mat alle Kalenneren uweisen ze loossen mat den dozou gehéirende Faarwen. Dat ass menger Meenung no schlecht fir d’Produktivitéit am iCal, et verléiert ee méi Zäit.

 

Mail

Am Mail hunn ech direkt d’Classic View erëm aktivéiert, well déi nei View geet guer net wann een vill produktiv mat villen Ordner schafft an méi Mail Accounts. Fir privat Leit déi awer just een Account hunn ass en, denken ech, ganz flott.

 

Launchpad

Dat ass endlech eng aner Oberfläch fir seng Programmer all ze gesinn, bis elo huet een déi jo mussen am Dock hunn oder se an de Finder musse siche goen. Vum Prinzip hier fannen ech et ganz gutt, ech géing mer awer wënschen dass wann een zwee Bildschirmer ugeschloss huet, dass en och op deenen zwee géing ugewise ginn an net just um Haapt-screen.

 

Froen? Feedback?

Wann Dir selwer Froen hunn nach virum Upgrade oder och duerno, stellt se roueg hei, ech probéieren esou gutt wéi méiglech ze äntweren. Och Feedback-kommentarer respektiv nach weider wichteg Punkten si wëllkomm.

 
4 Comments

Posted in Tipp

 

Police-Kontrollen – Warnen / Blénken?

19 Jul

Also ech äusseren mech elo mol als een deen dergéint ass dass Police-kontrollen iwwer Radio duerchgesot ginn, an och blénken ech sécher kengem fir em Bescheed ze soen dass e puer Meter weider d’Flicken stinn. Jidderee vun eis iergert sech dach all Dag iwwert esou vill idioten op der Strooss, wisou déi also nach warnen fir dass se net erwëscht ginn? Déi Kontrollen sinn och net fir eis Autofuerer schäissen ze doen, mä fir eis ze schützen. Dat schéngen awer vill Leit net ze verstoen.

A wann een dann emol selwer ze séier erwëscht gëtt, soll ee sech mat senger eegener nues huelen an net d’Schold op d’Flicken geheien. Selwer huet een de Feeler gemaach an et war ee sech dann, an de meeschte Fäll, bewosst dass ee kéint erwëscht ginn.

Jo ech selwer hunn e séieren Auto, jo ech fueren och gäer an och mol bëssen méi séier, mä ech hale mech un d’50 am Duerf zum Beispill, egal wéi séier dee BMW hannert mer wëll fueren :)

 
8 Comments

Posted in Luxembourg

 

Herrlech Erklärunge vun Tango

15 Jul

Also Tango ass jo net de perfekste Provider … Oft Rechnungsproblemer, an dann gi se och nach net direkt geléist, mä leider si se bei wäitem déi bëllegst. Dann elo, wéi sécher muencher vun iech och matkruten hu se erëm eng Voicemail aktivéiert. Elo wollt ech mer ukucken wéi een déi ausmécht (an mech duerno beschwéieren dass déi mol einfach esou aktivéiert gëtt!) Mä kuckt emol wat beim läschte punkt an hiere FAQ steet, an dann kuckt der mol wou ech dru sinn op hierer Säit

Mäi Kommentar: WTF? Ganz ofgesi vum schéine Feeler-message ënnen op der Säit ;) Awer meng Fro: Weess een wéi een déi schäiss Mailbox ausschalt?

//UPDATE: D’Léisung ass, wéi de Jerry Polfer mer sot: *123*0#

 
1 Comment

Posted in Luxembourg

 

Héigen Traffic verursaacht vun Google

27 Jun

Déi läscht Deeg war Photogen.lu iergendwéi relativ lues, wat soss net onbedéngt de Fall war. Ech hun alt gemengt et géif un mengem LAN leien well ech iwwert powerlan fueren, dofir hunn ech net all ze vill drop ginn. Haut hu mer awer gemierkt dass de Load vum Server >4 war, CPU Auslaaschtung vun den 2 Coren war quasi permanent op 100%. Mat tail -f vun der apache log an der Méiglechkeet sech den Apache status uweisen ze loossen am Browser hunn ech dann festgestallt dass Google +- 8x pro Sekonn Photogen opgeruff huet. Fir kuerz ze kucken ob dëst och wierklech d’Ursaach war, hunn ech d’ IP Range vu Google mol geblockt, an als Resultat ass de Load erof gaang an Photogen war vill méi séier.

Léisung: Vu dass ech souwisou Google Webmaster Tools eigentlech notzen, Google awer bis elo selwer d’ “Crawl rate” definéeire gelooss hunn, sinn ech se manuell ännere gaang. Dëst brauch elo nach e bëssen bis et Wierkung weist, mä et geet schonn e Stéck besser. Fir déi déi also en ähnleche Problem eng Kéier entdecken: Google Webmaster Tools notzen!

Lo fir kuerz ze weisen wat fir e groussen Impakt dëst hat: Fir gewéinlech hu mer als Moyenne um Server mol net 0.5MBits ausgelaascht. Elo mat dësem “Google-flood” ass dëst d’Resultat vun eisem Traffic an de läschte Stonnen:

An der Moyenne also tëscht 1 an 1.5Mbits. D’Lach esou ëm 14 Auer war wou ech d’ Google IP Range geblockt hat, d’Lach an der Nuecht war wuel just duerch d’Backups um Server wou dee kuerz dann näischt anescht mécht ;)

Ech halen dëst op alle Fall am Aa elo wéini d’Ännerungen dann wierklech ze gesinn sinn.

 

 
1 Comment

Posted in Luxembourg, Tipp, Web, Web Development

 

Dont touch the fucking glass!

28 May

Ja, dat ass wann een sech op engem Samschdeg Nomëtteg e bëssen langweilt. E Wallpaper den ech selwer gemaach hunn, allerdings mat 2 Stock Pics fir den Hannergrond, an de Sproch ass vun engem anere Wallpaper deen schlecht realiséiert war, mä de Sproch war eben genial :)

 
No Comments

Posted in Creative Stuff

 
« Older Entries